77 ఏళ్ల వయసులో ముంతాజ్ ఫిట్‌నెస్ రహస్యం: అక్షయ్ కుమార్ నేర్పిన నియమం..

77 ఏళ్ల వయసులోనూ అందంగా, ఆరోగ్యంగా, చలాకీగా ఉండడానికి కారణం తాను అనుసరిస్తున్న జీవనశైలి అని చెబుతోంది బాలీవుడ్ లెజెండ్ నటీమణి ముంతాజ్. ఒకప్పుడు ప్రముఖ హీరోలందరి సరసన నటించి మంచి పేరు తెచ్చుకుంది. ఇప్పుడు నటనకు దూరమైనా తన ఆరోగ్యాన్ని తాను కాపాడుకుంటున్నానని, తాను చేయగలిగే పనులు చేస్తూ తనను తాను బిజీగా ఉంచుకున్నట్లు తెలిపింది. అన్నిటికంటే ముఖ్యంగా తాను ఈ వయసులోనూ ఫిట్ గా ఉండడానికి కారణమైన నటుడు అక్షయ్ కుమార్ నుండి నేర్చుకున్న ఒక సాధారణ ఫిట్‌నెస్ చిట్కా అని తెలిపింది.

ఇటీవల రేడియో నషా అఫీషియల్‌కు ఇచ్చిన ఒక ఇంటర్వ్యూలో, ఒకప్పటి ఐకాన్ తాను అనుసరించే సరళమైన, శక్తివంతమైన ఆరోగ్య నియమాల గురించి వెల్లడించింది. నటుడు అక్షయ్ కుమార్ ఇచ్చిన సలహా అన్నిటికంటే ముఖ్యమైనదని తెలిపింది. 

"అక్షయ్ కుమార్ నాకు 'సాయంత్రం 5-6 గంటల తర్వాత తినవద్దు' అని చెప్పాడు. నేను ఈ రోజు వరకు దానిని అనుసరిస్తున్నాను" అని ముంతాజ్ పంచుకున్నారు.

క్రమశిక్షణతో కూడిన జీవితం

"నేను ఆహారం విషయంలో చాలా కఠినంగా ఉంటాను. నేను ఎక్కువగా తినను. తినకూడదు అని చెప్పిన పదార్ధాలకు చాలా దూరంగా ఉంటాను" అని ఆమె చెప్పింది.

అంతే కాదు ఆమె తన చర్మ సంరక్షణ మాస్క్‌లను స్వయంగా తయారు చేసుకుంటుంది. తన జుట్టు మరియు ముఖాన్ని చాలా జాగ్రత్తగా చూసుకుంటుంది. ఆరోగ్యకరమైన జీవనశైలికి కట్టుబడి ఉంటుంది.

ముంతాజ్ దినచర్య: వృద్ధాప్యంలోనూ ఆరోగ్యంగా ఉండాలంటే తప్పక అనుసరించాలి.. 

→ నిద్రవేళ: రాత్రి 9–10

→ మేల్కొనే సమయం: ఉదయం 4–5

→ వ్యాయామం: ప్రతిరోజూ ఉదయం 7 గంటలకు

→ ఉదయం పానీయం: బ్లాక్ టీ

→ అల్పాహారం: తేలికైనది 

→ భోజనం: సమతుల్యంగా మరియు మితంగా

→ రాత్రి భోజనం: ఏదీ వద్దు, అవసరమైతే పండ్లు మాత్రమే

ఆమె ఆరోగ్య రహస్యం.. అక్షయ్ కుమార్ క్రమశిక్షణా జీవనశైలి నుండి ప్రేరణ పొందిన సాయంత్రం 5-6 గంటల తర్వాత తినకపోవడం.. 

లేట్-నైట్ డిన్నర్ల వలన కలిగే ఇబ్బందులు.. 

1. జీర్ణక్రియ సరిగా లేకపోవడం

2. ఉబ్బరం, గుండెల్లో మంట

3. నిద్రకు అంతరాయం, జీవక్రియ మందగించడం

4. బరువు పెరిగే ప్రమాదం 

త్వరగా తినడం వల్ల మీ శరీరం జీర్ణం కావడానికి సమయం లభిస్తుంది , నిద్ర నాణ్యతను మెరుగుపరుస్తుంది, మీ జీవక్రియను తిరిగి ప్రారంభిస్తుంది. పగటిపూట మీ ప్రేగులు మరింత చురుకుగా ఉంటాయి, కాబట్టి రాత్రి సమయం ప్రేగులకు విశ్రాంతినివ్వాలి. ఆహారాన్ని అరిగించేందుకు కాదు.

భోజనం చేసే సమయం చాలా ముఖ్యమైనదని నిపుణులు అంగీకరిస్తున్నారు.

సాయంత్రం 6 గంటలకు ముందు తినడం వల్ల జీర్ణవ్యవస్థ సమర్థవంతంగా పనిచేయడానికి, నిద్రలో శరీరంపై ఒత్తిడిని తగ్గించడానికి సహాయపడుతుంది. ఈ ఒక జీవనశైలి బరువు నియంత్రణ మరియు మెరుగైన పేగు ఆరోగ్యానికి దారితీస్తుంది.

అక్షయ్ కుమార్ ఎఫెక్ట్

ముంతాజ్ తన ఆరోగ్యానికి ప్రధాన కారణం అక్షయ్ నుండి ఆమె పొందిన ఒక బంగారు నియమం దీనికి ప్రధాన కారణమని చెబుతుంది. అదే "సాయంత్రం 6 గంటల తర్వాత భోజనం చేయకూడదు."

ఇది అందరికీ సాధ్యపడకపోయినా కనీసం లైట్ నైట్ డిన్నర్లు చేయకపోవడం మంచిది.. అధిక భాగం మన ఆరోగ్యం మన చేతుల్లోనే ఉంటుంది అనేది నిజం.