సంక్రాంతి అంటే పెద్ద హీరోల సీజన్ అనేది అనఫీషియల్ గా సాగే వ్యవహారం. కొన్నాళ్లుగా కంటెంట్ ను బట్టే కలెక్షన్స్ వస్తున్నాయి కాబట్టి చిన్నవాళ్లు కూడా తమ సినిమాపై ఉన్న నమ్మకంతో పెద్దవాళ్లను ఢీ కొడుతున్నారు. ఆ మధ్య హను మాన్ సినిమాలాగా అన్నమాట. ఇప్పుడు ఆ రూట్ లోకే వస్తున్నాడు మిస్టర్ నవీన్ పోలిశెట్టి. అతని లేటెస్ట్ మూవీ అనగనగా ఒక రాజు. సితార ఎంటర్టైన్మెంట్స్, ఫార్యూన్ ఫోర్ బ్యానర్స్ పై నాగవంశీ, సాయి సౌజన్య నిర్మిస్తోన్న ఈ చిత్రంతో మారి దర్శకుడుగా పరిచయం అవుతున్నాడు.
నవీన్ పోలిశెట్టి సరసన మీనాక్షి చౌదరి హీరోయిన్ నటిస్తోంది. ఆ మధ్య వచ్చిన ఈ మూవీ వీడియో గ్లింప్స్ కు మంచి స్పందన వచ్చింది. మిస్ శెట్టి మిస్టర్ పోలిశెట్టి తర్వాత నవీన్ కు యాక్సిడెంట్ అయింది. దీంతో అనివార్యంగా గ్యాప్ తీసుకోవాల్సి వచ్చింది. అందుకే ఎప్పుడో విడుదల కావాల్సిన ఈ మూవీ ఇంత లేట్ అయింది. ప్రస్తుతం చిత్రీకరణ దశలో ఉన్న అనగనగా ఒక రాజు సంక్రాంతి బరిలో విడుదల చేస్తున్నట్టు ప్రకటించారు. 2026 జనవరి 14న ఈ చిత్రాన్ని విడుదల చేయబోతున్నాం అని అనౌన్స్ చేశారు. ఇప్పటికే సంక్రాంతి రేస్ లో మెగాస్టార్ చిరంజీవి, అనిల్ రావిపూడి మూవీ షెడ్యూల్ అయి ఉంది. ఇప్పుడు అనగనగా ఒక రాజు. మరి ఇంకా పెద్ద స్టార్స్ ఎవరైనా వస్తే.. పోటీ పెరుగుతుంది.