ఉదయాన్నే నిద్రలేవడం అంటే ఎంత బద్దకమో.. ఎక్కడో చదివి, ఎవరో చెప్తే విని అర్జంటుగా ఆచరించేయాలనుకుంటారు.. కానీ బద్దకం, మనసు వద్దని వారిస్తుంది. దాంతో మళ్లీ ముసుగు పెట్టేస్తుంటారు. అలా రోజులు, వారాలు, నెలలు గడిచిపోతుంటాయి. నేర్చుకోవాలనుకున్న కొత్త విషయాల లిస్ట్ అంతా అటకెక్కేస్తుంది. టైమ్ కి తిని టైమ్ కి పడుకుంటే ఆరోగ్యంతో పాటు అనుకున్నవన్నీ చేసేస్తారు.. అందుకు ధృడసంకల్పం ముఖ్యం. ఎవరో చెప్తే అస్సలు చేయరు. మీకు మీరు మాత్రమే చెప్పుకోవాలి. నాకోసం నేను నిద్ర లేవాలి. నేను ఈ బుక్ చదవాలి. నేను ఈ పని ఈ టైమ్ కి కంప్లీట్ చేయాలి అని మీకు మీరు టార్గెట్ పెట్టుకోవాలి. అప్పుడే అది సక్సెస్ అవుతుంది.
ఉదయాన్నే మేల్కొలపడం వల్ల అనేక ఆరోగ్య ప్రయోజనాలను పొందవచ్చు. త్వరగా మేల్కొలపడం మీ శరీరం యొక్క జీవ గడియారాన్ని నియంత్రించడంలో సహాయపడుతుంది. సాధారణ నిద్ర షెడ్యూల్‌ను ఏర్పాటు చేస్తుంది. ఇది మెరుగైన నిద్ర నాణ్యతకు దారి తీస్తుంది.
చాలా మంది వ్యక్తులు ఉదయాన్నే ఎక్కువ ఉత్సాహంగా ఉంటారు. ఎందుకంటే వారు స్పష్టమైన ఆలోచనలను కలిగి ఉంటారు. ఇది కార్యసామర్ధ్యాన్ని, పనులపై దృష్టి పెట్టే సామర్థ్యాన్ని మెరుగుపరుస్తుంది. దీనితో పాటు, త్వరగా మేల్కోవడం వల్ల రోజులో టెన్షన్ లేకుండా ఉంటారు. ఎక్కువ సమయం లభిస్తుంది. ఇది సానుకూల మానసిక స్థితికి దోహదం చేస్తుంది.