Bypolls: 7 రాష్ట్రాల్లోని 1 అసెంబ్లీ స్థానాల్లో పోలింగ్..

లోక్‌సభ ఎన్నికలు ముగిసిన కొద్ది రోజులకే, భారతీయ జనతా పార్టీ (బిజెపి) నేతృత్వంలోని నేషనల్ డెమోక్రటిక్ అలయన్స్ (ఎన్‌డిఎ) , కాంగ్రెస్ నేతృత్వంలోని ఇండియా కూటమి మధ్య ముఖాముఖి పోరు జరగనుంది. ఏడు రాష్ట్రాల్లోని 13 అసెంబ్లీ స్థానాలకు ఉప ఎన్నికలకు ఈరోజు ఓటింగ్ జరగనుంది. ఇందులో పలువురు అనుభవజ్ఞులతో పాటు తొలిసారిగా ఎన్నికల రంగంలోకి దిగుతున్న హిమాచల్ ప్రదేశ్ ముఖ్యమంత్రి సుఖ్వీందర్ సింగ్ సుఖు భార్య కమలేష్ ఠాకూర్ కూడా అదృష్టాన్ని పరీక్షించుకుంటున్నారు. జూలై 13న ఓట్ల లెక్కింపు జరగనుంది. ఉప ఎన్నికలు జరగనున్న అసెంబ్లీ స్థానాల్లో బద్రీనాథ్, మంగళూరు (ఉత్తరాఖండ్), జలంధర్ వెస్ట్ (పంజాబ్), డెహ్రా, హమీర్‌పూర్, నలాగఢ్ (హిమాచల్ ప్రదేశ్), రూపాలి (బీహార్), రాయ్‌గంజ్, రణఘాట్ సౌత్, బాగ్దా, మానిక్తలా (పశ్చిమ బెంగాల్), విక్రవాండి (తమిళనాడు), అమరవాడ (మధ్యప్రదేశ్) ఉన్నాయి. సిట్టింగ్ సభ్యులు మరణించడం లేదా రాజీనామా చేయడం వల్ల ఖాళీ అయినందున ఈ ఉప ఎన్నికలు జరుగుతున్నాయి.

ముగ్గురు స్వతంత్ర ఎమ్మెల్యేలు హోషియార్ సింగ్ (డెహ్రా), ఆశిష్ శర్మ (హమీర్‌పూర్), కెఎల్ ఠాకూర్ (నాలాగర్) మార్చి 22న సభ సభ్యత్వానికి రాజీనామా చేయడంతో హిమాచల్ ప్రదేశ్‌లోని డెహ్రా, హమీర్‌పూర్, నలాగఢ్ అసెంబ్లీ స్థానాలు ఖాళీ అయ్యాయి. ఫిబ్రవరి 27న జరిగిన రాజ్యసభ ఎన్నికల్లో ఈ ఎమ్మెల్యేలు బీజేపీకి అనుకూలంగా ఓటు వేశారు. 2,59,340 మంది ఓటర్లు ఉన్న ఈ మూడు స్థానాలకు మొత్తం 13 మంది అభ్యర్థులు బరిలో ఉన్నారు.

వివిధ పార్టీలకు చెందిన ఎమ్మెల్యేలు కొంతమంది రాజీనామా చేయటం, మరికొంత మంది మరణించటంతో ఆయా స్థానాలు ఖాళీ అయ్యాయి. ఉప ఎన్నికల ఫలితాలు ఈ నెల 13న వెలువడతాయి. హిమాచల్‌ప్రదేశ్‌ సీఎం సుఖ్విందర్‌ సింగ్‌ సుఖు భార్య కమ్లేష్‌ ఠాకూర్‌తోపాటు మరికొంత మంది తొలిసారిగా ఎన్నికల బరిలోకి దిగుతున్నారు.