ఉత్తరాఖండ్ లోని (Uttarkhand) హల్ద్వానీ బన్‌భూల్‌పురాలో హింసాకాండను అనుసరించి విధించిన కర్ఫ్యూను అధికారులు తాత్కాలికంగా సడలించారు. ఇది ఫిబ్రవరి 8న ఆక్రమణ నిరోధక డ్రైవ్‌లో భాగంగా చట్టవిరుద్ధమైన నిర్మాణం కూల్చివేసిన తర్వాత చెలరేగింది. "అయితే, గౌజాజలి, ఎఫ్‌ఎస్‌ఐ, గోడౌన్ ప్రాంతంలో రాత్రి 8 గంటల నుండి ఉదయం 6 గంటల వరకు రాత్రి కర్ఫ్యూ కొనసాగుతుంది. బన్‌భూల్‌పురా పోలీస్ స్టేషన్ పరిధిలోని మిగిలిన ప్రాంతాల్లో సాయంత్రం 5 నుండి ఉదయం 6 గంటల వరకు రాత్రి కర్ఫ్యూ కొనసాగుతుంది" అని నానిటాల్ పోలీసులు Xలో పోస్ట్ చేశారు.
కర్ఫ్యూ విధించబడింది. ఆక్రమణ నిరోధక డ్రైవ్ తరువాత రాళ్లు రువ్వడం, వాహనాలను తగులబెట్టడం, గుంపు స్థానిక పోలీస్ స్టేషన్‌ను చుట్టుముట్టడంతో షూట్-ఎట్-సైట్ ఆదేశాలు జారీ అయ్యాయి. ఇదిలా ఉండగా నిన్న, అదనపు డైరెక్టర్ జనరల్ (ADG), అడ్మినిస్ట్రేషన్, అమిత్ సిన్హా, బంభూల్‌పురాలో హింసాత్మక ప్రదేశానికి చేరుకుని, కొత్తగా ఏర్పాటు చేసిన పోలీసు పోస్ట్‌ను పరిశీలించారు.
ఏడీజీ తన పర్యటన సందర్భంగా ఆ ప్రాంతంలో భద్రతా ఏర్పాట్లను సమీక్షించారు. కొత్త పోలీస్ స్టేషన్‌కు అవసరమైన నిర్దేశిత ప్రమాణాల ప్రతిపాదనపై ఏడీజీ కూలంకషంగా చర్చించి, భద్రతా ఏర్పాట్లను మెరుగుపరచడానికి అవసరమైన ఆదేశాలను సంబంధిత అధికారులకు అందించారు.