ప్రముఖ క్యాబ్ సేవల సంస్థ ఉబర్ త్వరలో బస్సు సేవలను ప్రారంభించనుంది. దేశ రాజధాని ఢిల్లీలో ముందుంగా ఈ సేవలు ప్రారంభం కానున్నాయి. ఢిల్లీ ప్రీమియం స్కీమ్ కింద ఇకపై బస్సులను నడపాలని ఉబర్ నిర్ణయించింది.
ఈ మేరకు ఢిల్లీ రవాణా మంత్రిత్వ శాఖ నుంచి లైసెన్స్ పొందినట్లు తెలిపింది. ఈ తరహాలైసెన్స్ జారీ చేసిన తొలి రవాణాశాఖ ఢిల్లీనే. దీన్ని తీసుకున్న తొలి అగ్రిగేటర్ ఉబర్ నిలిచింది. సంవత్సర కాలంగా ఢిల్లీ ఎన్ సీఆర్ ప్రాంతంతో పాటు, కోల్కతాలోని ప్రయోగాత్మకంగా ఈ సేవలు నడుపుతున్నట్లు ఉబర్ షిటిల్ ఇండియా హెడ్ అమిత్ దేశ్ పాండే తెలిపారు
ఢిల్లీలో బస్సులకు డిమాండ్ చాలా ఎక్కువగా ఉందని గమనించినట్లు చెప్పారు. ఇప్పుడు అధికారికంగా ఈ సేవలను ఢిల్లీలో ప్రారంభిస్తామని ఆయన ప్రకటించారు. బస్సు సర్వీస్లకు వారం ముందు నుంచే ప్రయాణికులు బుక్ చేసుకోవచ్చని ప్రతినిధులు తెలిపారు. బస్సు రానున్న సమయం, బస్సు లైవ్ లోకేషన్, బస్సు రూట్లను ఎప్పటికప్పుడు ప్రయాణికులు తెలుసుకోవచ్చు. ఒక్కో సర్వీస్ లో 19-50 మంది ప్రయాణించడానికి వీలుంటుంది. ట్యాక్సీ మాదిరిగానే ఉబర్ టెక్నాలజీ సాయంతో స్థానిక ఆపరేటర్లు వీటిని నడపనున్నారు.