Hyderabad: నిషేధించిన గాలిపటం దారం.. రూ.43 లక్షల విలువైన చైనా మాంజా పోలీసులు స్వాధీనం..

ప్రజా భద్రత దృష్ట్యా  పక్షులు మరియు పర్యావరణానికి తీవ్రమైన హాని కలిగించే నిషేధిత చైనా మాంజా అమ్మకం మరియు వాడకానికి వ్యతిరేకంగా హైదరాబాద్ పోలీసులు నగరవ్యాప్తంగా ప్రత్యేక ఎన్‌ఫోర్స్‌మెంట్ డ్రైవ్‌ చేపట్టారు. దీనిలో భాగంగానే సంక్రాంతి పండుగకు ముందు, రూ.43 లక్షల విలువైన మొత్తం 2,150 నిషేధించబడిన గాలిపటం దారాన్ని పోలీసులు స్వాధీనం చేసుకున్నట్లు హైదరాబాద్ పోలీస్ కమిషనర్ వీసీ సజ్జనార్ తెలిపారు.

పోలీసులు తెలిపిన వివరాల ప్రకారం, గత నాలుగు రోజుల్లో జరిగిన ఆపరేషన్‌లో 29 కేసులు నమోదు చేయబడ్డాయి. ప్రమాదకరమైన పదార్థాన్ని అక్రమంగా విక్రయించినందుకు 57 మందిని అరెస్టు చేశారు. గత నెలలో "132 కి పైగా కేసులు నమోదు చేయబడ్డాయి, రూ. 1.68 కోట్ల విలువైన 8,376 బాబిన్‌లను స్వాధీనం చేసుకున్నారు. అక్రమ వ్యాపారంలో పాల్గొన్న 200 మందిని అరెస్టు చేశామని పోలీసులు తెలిపారు. 

జనవరి ప్రారంభంలో, నగర పోలీసులు చైనా మాంజాను విక్రయించినందుకు 143 మందిని అరెస్టు చేసి, రూ.1.24 కోట్ల విలువైన వస్తువులను స్వాధీనం చేసుకున్నారు. చైనీస్ మాంజాను కలిగి ఉండటం, అమ్మడం లేదా కొనుగోలు చేయడం శిక్షార్హమైన నేరం. ఇది జైలు శిక్షకు దారితీస్తుందని కమిషనర్ హెచ్చరించారు. నిషేధించబడిన దారాలను నివారించాలని, సురక్షితమైన ప్రత్యామ్నాయాలను ఎంచుకోవాలని, సంక్రాంతి పండుగను సురక్షితంగా, బాధ్యతాయుతంగా జరుపుకోవాలని పౌరులకు సజ్జనార్ సూచించారు.