REVANTH: నేడు మేడారం క్షేత్రస్థాయి పర్యటనకు సీఎం రేవంత్
నేడు మేడారంలో అధికారులతో సీఎం పర్యటన... మేడారం పూజ‌రులు, ఆదివాసీ పెద్దలతో చర్చలు
ఆసియా ఖండంలోనే అతి పెద్దదైన మేడారం జాతరను మ‌రింత ఘ‌నంగా నిర్వహించేందుకు ముఖ్యమంత్రి రేవంత్ రెడ్డి నేతృత్వంలోని ప్రజా ప్రభుత్వం న‌డుంబిగించింది. ఇంతకాలం మేడారం జాతరకు ప్రభుత్వాలు తాత్కాలిక ఏర్పాట్లు మాత్రమే ఉన్నాయి. ముఖ్యమంత్రి రేవంత్ రెడ్డి మేడారం జాత‌ర ఏర్పాట్లపై ప్రత్యేకంగా శ్రద్ధ వ‌హిస్తున్నారు. అందులో భాగంగానే నేడు మేడారం క్షేత్ర స్థాయి సంద‌ర్శన‌కు సీఎం వెళుతున్నారు. స్వయంగా ముఖ్యమంత్రి క్షేత్ర స్థాయికి వెళ్లి జాతరకు ముందే ఏర్పాట్ల ప్రణాళిక, ప్రతిపాదనలను పరిశీలించటం ఇదే తొలిసారి. మేడారం పూజ‌రులు, ఆదివాసీ పెద్దలు, మంత్రులు, గిరిజ‌న ఎంపీలు, ఎమ్మెల్యేలు, ఎమ్మెల్సీలు, ఇత‌ర ప్రముఖులతో జాత‌ర నిర్వహణ, కొత్త నిర్మాణాల‌పై ముఖ్యమంత్రి నేడు మేడారంలో స‌మీక్ష నిర్వహించ‌నున్నారు. ఆదివాసీ సంప్రదాయాలకు పెద్ద పీట వేస్తూ ఇల‌వేల్పులు సమ్మక్క, సార‌ల‌మ్మ, పగిడిద్దరాజు, గోవింద‌రాజుల గ‌ద్దెలున్న ప్రాంగణాన్ని లక్షలాది భక్తులు దర్శించుకునేందుకు వీలుగా మేడారంలో భారీ ఎత్తున అభివృద్ధి ప‌నుల‌కు ప్రభుత్వం శ్రీ‌కారం చుడుతోంది. మేడారం పూజ‌రులు, ఆదివాసీ పెద్దలు, మంత్రులు, గిరిజ‌న ఎంపీలు, ఎమ్మెల్యేలు, ఎమ్మెల్సీలు, ఇత‌ర ప్రముఖులతో జాత‌ర నిర్వహణ, కొత్త నిర్మాణాల‌పై మేడారంలో స‌మీక్షిస్తారు. మేడారం జాత‌ర పూజారులు, ఆదివాసీ పెద్దల సూచ‌నలతో ప్రభుత్వం చేపట్టనుంది.
భారీ ఏర్పాట్లు
ఆదివాసీ సంప్రదాయాలకు పెద్ద పీట వేస్తూ ఇల‌వేల్పులు సమ్మక్క, సార‌ల‌మ్మ, పగిడిద్దరాజు, గోవింద‌రాజుల గ‌ద్దెలున్న ప్రాంగణాన్ని లక్షలాది భక్తులు దర్శించుకునేందుకు వీలుగా మేడారంలో భారీ ఎత్తున అభివృద్ధి ప‌నుల‌కు ప్రభుత్వం శ్రీ‌కారం చుడుతోంది. కోట్లాది భక్తులు వ‌చ్చే జాత‌ర ప్రాశ‌స్త్యానికి త‌గ్గ‌ట్లు భారీ ఎత్తున స్వాగ‌త తోర‌ణాల నిర్మాణంతో పాటు గ‌ద్దెల వ‌ద్ద‌కు భక్తులు సులువుగా చేరుకోవడం.. గ‌ద్దెల ద‌ర్శ‌నం, బంగారం స‌మ‌ర్ప‌ణ.. జంప‌న్న వాగులో స్నానాలు ఆచరించేందుకు అవ‌స‌ర‌మైన ఏర్పాట్లు చేయ‌నున్నారు. మేడారం అభివృద్ధి ప‌నుల్లో గిరిజ‌న సంప్రదాయాలు, విశ్వాసాల‌కు ఎటువంటి భంగం క‌ల‌గ‌వ‌ద్ద‌నే కృత‌నిశ్చ‌యంతో ఉన్న ప్రజా ప్రభుత్వం ప్ర‌తి నిర్మాణం, ప్ర‌తి క‌ట్ట‌డాన్ని పూర్తిగా ఆదివాసీ సంప్రదాయాలకు అనుగుణంగా, మేడారం జాత‌ర పూజారులు, ఆదివాసీ పెద్దల సూచ‌నలతో ప్రభుత్వం చేపట్టనుంది. ఆదివాసీల సంప్రదాయాలు, ఆకాంక్షలకు అద్దంపట్టేలా మేడారం జాతరను అభివృద్ధి చేసేలా ప్రణాళికలు తయారు చేయాలని ఇటీవలే అధికారులను ఆదేశించారు. రెండేళ్లకోసారి మహా జాత‌రతో పాటు ఏడాది పొడవునా అన్ని రోజుల్లో మేడారం వచ్చి గద్దెలను దర్శించుకునే భ‌క్తుల సంఖ్య పెరిగింది.