TG: ఎమ్మెల్యేల ఫిరాయింపు..ముగిసిన మొదటి రోజు విచారణ
స్పీకర్ ఛాంబర్లో మొదటిరోజు విచారణ.. విచారణకు హాజరైన నలుగురు ఎమ్మెల్యేలు.. నలుగురు ఎమ్మెల్యేల క్రాస్ ఎగ్జామినేషన్
తెలంగాణ రాజకీయాల్లో మరో కీలక పరిణామం సంభవించింది. పార్టీ ఫిరాయించిన ఎమ్మెల్యేల అనర్హత పిటిషన్ల విచారణ స్పీకర్ ముందే జరిగింది. ఈ సందర్భంగా నలుగురు ఎమ్మెల్యేలపై క్రాస్ ఎగ్జామినేషన్ జరగగా, అక్టోబర్ 1న ఫిరాయింపు ఎమ్మెల్యేల అడ్వకేట్‌లను బీఆర్ఎస్ ఎమ్మెల్యేల అడ్వకేట్‌లు క్రాస్ ఎగ్జామిన్ చేయనున్నారు. ఫిరాయింపు ఎమ్మెల్యేలు, వారిపై ఫిర్యాదు చేసిన బీఆర్ఎస్ ఎమ్మెల్యేలను స్పీకర్ విచారించారు. విచారణకు ఫిరాయింపు ఎమ్మెల్యే టి. ప్రకాశ్‌ గౌడ్ తో పాటు ఆయనపై ఫిర్యాదు చేసిన బీఆర్ఎస్ ఎమ్మెల్యే కల్వకుంట్ల సంజయ్, కాలే యాదయ్య, గూడెం మహిపాల్ రెడ్డిలు…ఫిర్యాదుదారు చింత ప్రభాకర్, బండ్ల కృష్ణమోహన్‌ రెడ్డి, ఫిర్యాదు దారు పల్లా రాజేశ్వర్ రెడ్డిలు హాజరయ్యారు. వీరంతా మరోసారి అదే కేసుపై బుధవారం మరోసారి విచారణకు హాజరుకానున్నారు. విచారణ సందర్భంగా పిటిషనర్లు, ప్రతివాదుల తరఫున న్యాయవాదులు..ప్రత్యక్ష వాదనలు వినిపించారు. విచారణ సమయంలో స్పీకర్ ముందు హాజరైన బీఆర్ఎస్ ఎమ్మెల్యేలు కల్వకుంట్ల సంజయ్, పల్లా రాజేశ్వర్‌రెడ్డి, చింతా ప్రభాకర్. ఫిర్యాదు చేసిన బీఆర్ఎస్ ఎమ్మెల్యేలు ప్రకాశ్‌గౌడ్, బండ్ల కృష్ణమోహన్‌రెడ్డి, గూడెం మహిపాల్‌రెడ్డి, కాలే యాదయ్యపై వివిధ ఆసక్తికర ప్రశ్నలు వేసి సవాళ్లు విసురుకున్నారు.
కీలక ప్రశ్నలు
ముఖ్యంగా పార్టీ అనుమతి మేరకే ఫిరాయింపులపై ఫిర్యాదు చేశారా, కాంగ్రెస్‌లో చేరిన తరువాత పార్టీ కార్యక్రమాల్లో పాల్గొన్నారా లేదా వంటి ప్రశ్నలు చర్చకు రంగం కల్పించాయి. “పార్టీ అనుమతి మేరకే ఫిరాయింపులపై ఫిర్యాదు చేశాం. సుప్రీం కోర్ట్‌కు కూడా పార్టీ తరపునే వాదనలు సమర్పించాం.” అని బీఆర్ఎస్ ఎమ్మెల్యేలు స్పష్టం చేశారు. విచారణలో ఫిరాయింపు ఎమ్మెల్యేల లాయర్లు వాదనగా పేర్కొన్నారు, నియోజకవర్గ అభివృద్ధి కోసం సీఎం రేవంత్‌ను కలిసే ప్రక్రియ పార్టీ మార్పు అని చూడరాదు. మార్చిలోనే ఫిరాయింపుల వేతనం నుంచి 5వేలు కట్ కాలేదని కూడా వారు చెప్పారు. అయితే బీఆర్ఎస్ ఎమ్మెల్యేలు జంద్యాల రవిశంకర్ వాదనలో పాల్గొనడంపై తమ అభ్యంతరాన్ని వ్యక్తం చేశారు, అలాగే స్పీకర్ లీగల్ అడ్వైజర్‌గా వాదనలు వినిపించడం సబబు కాదని అన్నారు. ఈ విచారణను క్రమంగా గమనిస్తే, 10 నియోజకవర్గాల్లో ఉప ఎన్నికలు రావని సీఎం రేవంత్ రడ్డి స్పష్టం చేశారు. అయితే, ఫిరాయింపు ఎమ్మెల్యేల భవిష్యత్తు ఇంకా అనిశ్చితంగా ఉంది. రాజకీయ వేదికపై ఈ కేసు మరిన్ని ఉత్కంఠలు, చర్చలకు దారితీస్తుందని విశ్లేషకులు భావిస్తున్నారు. ఎమ్మెల్యేల అనర్హత పిటిషన్లపై స్పీకర్ ప్రత్యక్ష విచారణ నేపథ్యంలో అసెంబ్లీ ప్రాంగణంలో కఠిన ఆంక్షలను విధించారు. ఈ ఆంక్షలు అక్టోబర్ 6 వరకు అమల్లో ఉంటాయి.