BREAKING : 9న ప్రమాణ స్వీకారం..! జగన్ కాన్ఫిడెన్స్

ఏపీ అసెంబ్లీ ఎన్నికల్లో మరోసారి విజయంపై జగన్ ఫుల్ కాన్ఫిడెన్స్‌తో ఉన్నారు. ఎన్నికల ఫలితాలకు మరికొన్ని గంటలు ఉండగానే పార్టీ నేతలకు కీలక సూచనలు చేశారు. గెలిచిన పార్టీ ఎమ్మెల్యేలతో 6న తాడేపల్లిలో సమావేశం ఏర్పాటు చేయనున్నట్లు స్పష్టం చేశారు. ఈ మేరకు పార్టీ నేతలకు సూచనలు చేశారు. కౌంటింగ్ తరువాత ప్రతీ ఎమ్మెల్యేకు సమాచారం ఇవ్వాలని.. ఎంపీ అభ్యర్ధులతో సహా అందరూ తాడేపల్లిలో అందుబాటులో ఉండాలని సూచించారు. జూన్ 9న జగన్ రెండో సారి ముఖ్యమంత్రిగా ప్రమాణస్వీకారానికి ఇప్పటికే ముహూర్తం నిర్ణయించారు.