రైళ్లలో వాటర్ బాటిళ్ల బిజినెస్ లో గొడవ.. ఇద్దరి హత్య

రైళ్లల్లో వాటర్​ బాటిల్స్ (Train Water Bottles)​ అమ్మే వ్యాపారంలో గొడవలు హత్యల వరకు వెళ్లాయి. ముగ్గురు వ్యక్తులు, మరో ఇద్దరిని దారుణంగా హతమార్చారు. మహారాష్ట్రలో (Maharashtra) ఈ దారుణం జరిగింది.

థానే ప్రాంతంలో బాధితులు, నిందితులు.. రైళ్లల్లో మంచి నీటి సీసాలు అమ్ముకుంటూ జీవితాన్ని సాగిస్తున్నారు. ఆ వ్యాపారం విషయంలో ఆ ఐదుగురి మధ్య విభేదాలు వచ్చినట్టు తెలుస్తోంది. గత కొన్ని నెలలుగా విభేదాలు కొనసాగుతూ వచ్చాయి. ఆ తర్వాత మర్డర్ లు జరిగాయని ఆలస్యంగా తెలిసింది.

ఫిబ్రవరి 3న.. ఓ వ్యక్తి మృతదేహాన్ని వైతరణి నదిలో గుర్తించారు పోలీసులు. ఫిబ్రవరి 6న కసర ఘాట్​లో (Kasara Ghat) పోలీసులకు మరో మృతదేహం కనిపించింది. ఈ రెండు మృతదేహాలకు లింక్​ ఉందని తెలుసుకున్న పోలీసులు.. దర్యాప్తును ముమ్మరం చేశారు. మరణించిన వారిలో ఒకరి చేతిపై టాటూలు ఉన్నాయి. మృతుడు.. 25ఏళ్ల దీపక్​ థోకే అని పోలీసులు గుర్తించారు. రైళ్లల్లో వాటర్​ బాటిల్స్​ అమ్ముకునే మరికొందరితో అతనికి విభేదాలు ఉన్నాయని తెలిసింది. అలా.. నిందితులు 38ఏళ్ల పెంట్యా చిటారి, 22ఏళ్ల సైకుమార్​ కదామచి, 29ఏళ్ల కిషోర్​ శెత్యలను పోలీసులు అరెస్ట్​ చేశారు. హత్య కేసులో నాలుగో నిందితుడు కూడా ఉన్నాడని, పరారీలో ఉన్న అతడిని త్వరలోనే పట్టుకుంటామన్నారు ఇక్కడ క్లిక్​ చేయండి.