Lok Sabha Elections : లోక్సభ ఎన్నికల 3వ దశకు రేపట్నుంచి నామినేషన్లు షురూ
2024 సార్వత్రిక ఎన్నికల మూడో దశ నామినేషన్ల దాఖలు ఏప్రిల్ 12 నుంచి ప్రారంభమవుతుందని ఎన్నికల సంఘం తెలిపింది. "2024 సార్వత్రిక ఎన్నికల మూడవ దశ నామినేషన్లు రేపటి నుండి ప్రారంభమవుతాయి" అని పోల్ కమిషన్ ఈ రోజు తెలిపింది. ఇక ఫేజ్ 3 కింద ఓటింగ్ మే 7న 12 రాష్ట్రాలు, కేంద్ర పాలిత ప్రాంతాలలో (UT) 94 నియోజకవర్గాల్లో జరగనుంది. అన్ని ఎన్నికల ఓట్ల లెక్కింపు జూన్ 4న జరుగుతుంది.
లోక్సభ ఎన్నికలు ఏడు దశల్లో జరుగుతాయి. దేశవ్యాప్తంగా ఓటర్లు ఏప్రిల్ 19, ఏప్రిల్ 26, మే 7, మే 13, మే 20, మే 25, జూన్ 1 తేదీల్లో పోలింగ్కు వెళ్లనున్నారు. లోక్సభ 2024లో ఎన్నికలకు వెళ్లే 12 రాష్ట్రాలు, కేంద్ర పాలిత ప్రాంతాల్లోని 94 పార్లమెంటరీ నియోజకవర్గాల (పీసీలు) గెజిట్ నోటిఫికేషన్ రేపు విడుదల కానుంది” అని ఈసీ విడుదల చేసిన ప్రకటన తెలిపింది.
విడిగా, మధ్యప్రదేశ్లోని 29-బేతుల్ (ఎస్టి)లో వాయిదా వేసిన ఎన్నికల నోటిఫికేషన్ కూడా రేపు జారీ చేస్తారు. మధ్యప్రదేశ్లోని బేతుల్ స్థానంలో ఏప్రిల్ 26న రెండో దశలో జరగాల్సిన లోక్సభ ఎన్నికలు బీఎస్పీ అభ్యర్థి మృతితో వాయిదా పడ్డాయి. బీఎస్పీ అభ్యర్థి ఏప్రిల్ 9న మరణించారు. దీంతో ఎన్నికల అధికారి ప్రజాప్రాతినిధ్య చట్టం, 1951లోని సెక్షన్ 52 ప్రకారం ఎన్నికలను వాయిదా వేశారు.
ఫేజ్ 3లో చేర్చబడిన రాష్ట్రాలు, కేంద్ర పాలిత ప్రాంతాలు అస్సాం, బీహార్, ఛత్తీస్గఢ్, దాద్రా-నగర్ హవేలీ, డామన్- డయ్యూ, గోవా, గుజరాత్, జమ్మూ - కాశ్మీర్, కర్ణాటక, మహారాష్ట్ర, మధ్యప్రదేశ్, ఉత్తరప్రదేశ్, పశ్చిమ బెంగాల్.
© Copyright 2024 : tv5news.in. All Rights Reserved. Powered by hocalwire.com