Instagram Love : ఇన్ స్టా లవ్.. ప్రియుడి కోసం అమెరికా నుంచి ఆంధ్రాకు ప్రేయసి

ఆన్ లైన్ ప్రేమికుడి కోసం అమెరికాకు చెందిన జాక్లిన్ ఫోరెరో అనే యువతి ఖండాంతరాలు దాటుకుని భారత్లోని ఆంధ్రప్రదేశ్ కు వచ్చేసింది. ఇన్ స్టాగ్రామ్ లో 'హాయ్' అనే పలకరింపుతో మొదలైన స్నేహం.. పెళ్లిపీటల దాకా వెళ్లింది. ప్రేమ కోసం ఎంతకైనా తెగిస్తారని చెప్పడానికి ఇదే ఓ చక్కటి ఉదాహరణ. దాదాపు వేల మైళ్ల దూరం ప్రయాణం చేసి ఏపీలోని ఒక మారుమూల గ్రామానికి తల్లితో కలిసి ఫోరెరో వచ్చేసింది. ఇందుకు సంబంధించిన విజువల్స్ ను ఇన్ స్టాగ్రామ్ లో ఆమె పంచుకున్నారు. చందన్.. ఏపీలోని ఒక పల్లెటూరు యువకుడు. ఫొటోగ్రాఫర్ గా పని చేస్తున్నాడు. ఇన్ స్టాగ్రామ్ లో చందన్ ప్రొఫెల్ చూసి ఫోరెరో ప్రేమలో పడింది. మొట్టమొదటిగా ఆమెనే హాయ్ అని పలకరించింది. అలా మొదలైన సంభాషణ.. ప్రేమలో పడేసింది. త్వరలోనే ఇద్దరూ పెళ్లి చేసుకోవాలని నిర్ణయం తీసుకున్నారు. 14 నెలల తర్వాత కొత్త అధ్యాయానికి సిద్ధ పడుతున్నట్లు పేర్కొన్నారు. చందన్ అభిరుచులకు ఆకర్షి తురాలైనట్లు ఫోరెరో తెలిపింది. 8 నెలల ఆన్లైన్ డేటింగ్ తర్వాత.. చందన్ పెళ్లికి తన తల్లి అంగీకరించినట్లు ఆమె చెప్పింది. జీవిత భాగస్వామి కోసం తన తల్లితో కలిసి భారత్ కు వచ్చినట్లు ఫోరెరో స్పష్టం చేసింది. చందన్ వీసా కోసం ప్రయత్నిస్తున్నామని.. అమెరికాలో ఇద్దరూ కొత్త జీవితాన్ని ప్రారంభిస్తామని ఫోరెరో పేర్కొంది. ఇదిలా ఉంటే ఆన్లైన్ ప్రేమికులకు నెటిజన్లు మద్దతు ఇస్తున్నారు. సుఖసంతోషాలతో ఇద్దరూ హాయిగా జీవించాలని ఆకాంక్షిస్తున్నారు. జంట చూడముచ్చటగా ఉందని మరికొందరు చెప్పారు.