ఎమ్మెల్యే కన్నబాబుకు నిరసన సెగ
దీంతో చేసేదిలేక కన్నబాబు స్టేజీ దిగి అక్కడినుంచి వెళ్లిపోయారు.
విశాఖలో ఎలమంచలి ఎమ్మెల్యే కన్నబాబుకు నిరసన సెగ తగిలింది. రాజకోడూరులో బెదిరింపు వ్యాఖ్యలు చేసిన నేపథ్యంలో.. ఆయనను గ్రామస్తులు అడ్డుకున్నారు. మీ బెదిరింపులు మాదగ్గర కాదంటూ నినాదాలు చేశారు. సంతపాలెంలో జరిగిన ఎన్నికల ప్రచార సభలో పాల్గొనేందుకు కన్నబాబు వచ్చారు. ఈ సందర్భంగా అక్కడికిచేరుకున్న గ్రామస్తులు ఆయన ప్రచారాన్ని అడ్డుకొని నినాదాలుచేశారు. దీంతో చేసేదిలేక కన్నబాబు స్టేజీ దిగి అక్కడినుంచి వెళ్లిపోయారు.