Chekwume Malvin : డ్రగ్స్ కేసులో సింగం నటుడు అరెస్ట్ ... !

Chekwume Malvin : హీరో సూర్య హీరోగా వచ్చిన సింగం సినిమాలో విలన్‌‌గా నటించిన నైజీరియన్​దేశస్థుడు, నటుడు చాక్‌‌‌విమ్​మాల్విన్‌‌‌ను పోలీసులు అరెస్ట్ చేశారు. డ్రగ్స్​ కేసులో భాగంగా బెంగుళూరు పోలీసులు అతడ్ని అరెస్ట్ చేశారు. అతని వద్ద నుంచి రూ.8 లక్షల విలువ చేసే హ్యాష్​ఆయిల్​సహా ఎండీఎంఓ వంటి మత్తుపదార్థాలను పోలీసులు స్వాధీనం చేసుకున్నారు. లాక్‌‌డౌన్ టైంలో సినిమా అవకాశాలు రాకపోవడంతో అతడు డ్రగ్స్ విక్రయిస్తుండగా పోలీసులు అతన్ని అరెస్ట్ చేశారు.

ఆఫ్రికా నుంచి అక్రమంగా తరలించిన డ్రగ్స్‌‌ను అతడు విక్రయించేవాడని సమాచారం. చాక్‌‌విమ్​కి ఎవరెవరితో సంబంధాలు ఉన్నాయి? అతను ఎన్నేళ్ళ నుంచి ఈ డ్రగ్స్ విక్రయిస్తున్నాడు? ఇందులో ఇండస్ట్రీకి సంబంధించిన నటీనటులు ఎవరైనా ఉన్నారా అన్న కోణంలో పోలీసులు అతన్ని విచారిస్తున్నారు. కాగా చాక్‌‌విమ్ కన్నడ సహా హిందీ, తమిళ భాషల్లో పలు చిత్రాల్లో నటించాడు. తమిళ్ లో సింగం, విశ్వరూపం సినిమాలలో నటించాడు.