CM Revanth Reddy : జిల్లాలకు సీఎం రేవంత్.. సర్పంచ్ ఎన్నికలే టార్గెట్..?
సీఎం రేవంత్ రెడ్డి జిల్లాల బాటపడుతున్నారు. ఈ మేరకు షెడ్యూల్ కూడా రిలీజ్ అయింది. చాలా కాలం తర్వాత ఆయన ఇలా జిల్లాల్లో పర్యటిస్తూ సభలు పెట్టబోతున్నారు. డిసెంబర్ 1న మహబూబ్ నగర్ జిల్లా మక్తల్, డిసెంబర్ 2న ఖమ్మం జిల్లా కొత్తగూడెం, డిసెంబర్ 3న కరీంనగర్ జిల్లా హుస్నాబాద్, డిసెంబర్ 4న ఆదిలాబాద్, డిసెంబర్ 5న నర్సంపేట, డిసెంబర్ 6న నల్గొండ జిల్లా దేవరకొండలో బహిరంగ సభలు పెట్టి మాట్లాడబోతున్నారు. గత రెండేళ్లుగా తమ ప్రభుత్వం తీసుకొచ్చిన పథకాలు సాగిస్తున్న పరిపాలన గురించి వివరించబోతున్నారు సీఎం రేవంత్.
అటు ఉత్తర తెలంగాణ, ఇటు దక్షిణ తెలంగాణతో పాటు తూర్పు జిల్లాలను కూడా కవర్ చేసేలా ఆయన షెడ్యూల్ ఏర్పాటు చేసుకున్నారు. రెండేళ్లుగా కాంగ్రెస్ ప్రభుత్వం తీసుకొచ్చిన పథకాలతో పాటు చేస్తున్న అభివృద్ధి పనులను తీసుకున్న నిర్ణయాలను గ్రామాల్లో చేపడుతున్న పనులను అన్నిటినీ వివరించబోతున్నారు. రేవంత్ ఇలా షెడ్యూల్ పెట్టుకోవడానికి అసలు కారణం సర్పంచ్ ఎన్నికలు అని తెలుస్తోంది. మొన్నటి నుంచే తొలివిడత నామినేషన్లు కూడా ప్రారంభమయ్యాయి. సరిగ్గా ఎన్నికల ప్రచారానికి ఉన్న సమయంలో రేవంత్ జిల్లాల బాట పడుతున్నారు అంటేనే ఎక్కువ సంఖ్యలో సర్పంచ్ పదవులు కాంగ్రెస్ అభ్యర్థులకే దక్కాలనే ఉద్దేశం అని తెలుస్తోంది.
గ్రామాల్లో పట్టు సాధిస్తే ఆ తర్వాత వచ్చే ఎంపీటీసీ జడ్పిటిసి ఎన్నికల్లో ఈజీగా భారీ సంఖ్యలో గెలవచ్చు అనేది రేవంత్ రెడ్డి ప్లాన్. అందుకే గ్రామాల్లో తమ పార్టీకి పట్టు పెరిగే విధంగా రేవంత్ రెడ్డి జిల్లాల్లో అడుగుపెడుతున్నారు. ఎక్కడ ఎక్కడ అయితే పార్టీ వీక్ గా ఉందో అక్కడ పీక్స్ లో ప్రచారం చేసి ఎక్కువ గ్రామాలను తమ ఖాతాలో వేసుకోవాలని చూస్తున్నారు. అదే జరిగితే రాబోయే అన్ని ఎన్నికల్లో కాంగ్రెస్ కు బలం పెరుగుతుందని భావిస్తున్నారు. రేవంత్ తాను సీఎం అయిన తర్వాత వస్తున్న ప్రతి ఎన్నికను సీరియస్ గానే తీసుకుంటున్నారు. మంత్రులను ఇన్చార్జిలుగా పెడుతూ తాను స్వయంగా రంగంలోకి దిగి మరి ప్రచారం చేస్తున్న సంగతి తెలిసిందే. వరుసగా ఉప ఎన్నికల్లో గెలుస్తున్న కాంగ్రెస్ పార్టీకి సర్పంచ్ ఎన్నికల్లో కూడా తిరుగులేకుండా చేయాలని రేవంత్ భావిస్తున్నారు. మరి జిల్లాల షెడ్యూల్ ఏ మేరకు వర్కోట్ అవుతుందో చూడాలి.