KTR: తెలంగాణ తలరాత మార్చిన రోజు

2009 నవంబర్‌ 29న కేసీఆర్‌ చేపట్టిన ఆమరణ నిరాహార దీక్షకు నేటికి పదహారేళ్లు పూర్తయ్యాయి. కరీంనగర్‌లోని ఉత్తర తెలంగాణ భవన్‌ నుంచి సిద్దిపేట రంగధాంపల్లిలో ఏర్పాటు చేసిన దీక్షాస్థలానికి బయలుదేరిన కేసీఆర్‌ను అరెస్టు చేసి ఖమ్మం జైలుకు తరలించారు. దీంతో ఆయన జైలులోనే దీక్ష కొనసాగించారు. 2009 డిసెంబర్‌ 9న ప్రత్యేక తెలంగాణకు ఏర్పాటుకు కేంద్ర ప్రభుత్వం హామీ ఇవ్వడంతో ఆయన దీక్ష విరమించారు.

తెలంగాణ తలరాత మార్చిన రోజు

తెలంగాణ ఉద్యమంలో భాగంగా కేసీఆర్ చేపట్టిన ఆమరణ నిరాహార దీక్షకు నేటికి 16 ఏళ్లు పూర్తయింది. సందర్భంగా కేటీఆర్ శఎమోషనల్ ట్వీట్ చేశారు. "16 ఏళ్ల క్రితం ఇదే రోజున తెలంగాణ తలరాత మారింది. ఈ రోజే రాష్ట్ర ఏర్పాటుకు దారితీసింది. 2009 నవంబర్ 29 చరిత్రలో చిరస్థాయిగా నిలిచిపోతుంది" అని రాసుకొచ్చారు. కరీంనగర్‌లో కేసీఆర్‌ను అరెస్టు చేసినప్పటి వీడియోను షేర్ చేశారు. ఈ రోజును BRS 'దీక్షా దివస్'గా జరుపుతోంది. ‘నాడు తెలంగాణ ఉద్యమనేతగా కేసీఆర్‌ చేపట్టిన దీక్ష ఒక చరిత్ర.. ఆనాడు కేసీఆర్‌ లేకపోతే తెలంగాణ ప్రత్యేక రాష్ట్రం లేనేలేదు’ అని తలసాని శ్రీనివాస్‌యాదవ్‌ స్పష్టంచేశారు. ‘కేసీఆర్‌ తెలంగాణను సాధించకపోతే, ఇప్పుడు తెలంగాణ కాంగ్రెస్‌, కాంగ్రెస్‌ సర్కారు ఎక్కడివి’ అని ప్రశ్నించారు. 1969 నాటి ఉద్యమంలో అనేక మంది విద్యార్థులు అమరులయ్యారని చెప్పారు. నీళ్లు నిధులు, నియామకాలతో కేసీఆర్‌ సాధించిన తెలంగాణ.. స్వయంపాలనలో ఎంతో అభివృద్ధి జరిగిందని వివరించారు. నాడు కనీసం తాగునీళ్లు లేని దుర్భర పరిస్థితులు ఎదుర్కొన్న తెలంగాణలో కేసీఆర్‌ మిషన్‌ భగీరథ తీసుకొచ్చి, ఇంటింటికీ నల్లా నీళ్లు ఇచ్చేలా చేశారని తెలిపారు.