Minister Komatireddy : చిన్న వెంకట్ రెడ్డి మృతి పట్ల మంత్రి కోమటిరెడ్డి దిగ్బ్రాంతి

స్వాతంత్ర్య సమరయోధుడు,ప్రముఖ విద్యావేత్త కొండకింది చిన్న వెంకట్ రెడ్డి గారి మరణం పట్ల రాష్ట్ర రోడ్లు భవనాలు, సినిమాటోగ్రఫీ శాఖ మంత్రి కోమటి రెడ్డి వెంకట్ రెడ్డి తీవ్ర దిగ్భ్రాంతి వ్యక్తం చేశారు. విద్య ప్రతి పౌరుని ప్రాథమిక హక్కు అని విద్యా సంస్థలు నెలకొల్పి లాభాపేక్ష లేని విద్యను చిన వెంకట్ రెడ్డి అందించారని కొనియాడారు. ఆయన నెలకొల్పిన మూడు పాఠశాలలు ప్రభుత్వ ఎయిడెడ్ పాఠశాలలుగా ఎంతో మంది విద్యార్థులకు విద్యను అందిస్తూనే ఉన్నాయని అన్నారు. స్వాతంత్ర్య సమరయోధుడు,విద్యా వేత్త అయిన చిన్న వెంకట్ రెడ్డి తో మంత్రికి ఉన్న అనుబంధాన్ని గుర్తు చేసుకున్నారు. ఆయన లేని లోటు పూడ్చలేనిదని మంత్రి భావోద్వేగానికి లోనయ్యారు. ఆయన ఆత్మకు శాంతి చేకూరాలని భగవంతుణ్ణి ప్రార్ధిస్తున్నానని, వారి కుటుంబ సభ్యులకు మంత్రి తన ప్రగాఢ సానుభూతిని తెలియజేశారు. చిన్న వెంకట్ రెడ్డి గారి ఆశయ స్పూర్తిని కొనసాగిస్తామని మంత్రి కోమటి రెడ్డి వెంకట్ రెడ్డి ఈ సందర్భంగా పేర్కొన్నారు.