ఈక్వెడార్ కౌన్సిలర్ ఫిబ్రవరి 6న గుయాస్‌లోని నారంజాల్ పట్టణంలో అధ్వాన్నమైన రహదారి పరిస్థితుల గురించి వీడియో రికార్డింగ్ చేస్తుండగా ఓ గుంపు పట్టపగలే కాల్చి చంపింది. పలు నివేదికల ప్రకారం, 29ఏళ్ల డయానా కార్నెరో కౌన్సిల్ సమావేశానికి అధ్యక్షత వహించగా, మోటార్‌సైకిల్‌పై వచ్చిన ఇద్దరు గుర్తుతెలియని వ్యక్తులు ఆమెను కాల్చి చంపారు.
ఈక్వెడార్ అటార్నీ జనరల్ కార్యాలయం విచారణకు నాయకత్వం వహిస్తుందని తెలిపింది. అయితే ఈ ఘటనలో ఇప్పటివరకు ఎవరినీ అరెస్టు చేయలేదని మిర్రర్ తెలిపింది. ముఖ్యంగా, ఈక్వెడార్ మాదకద్రవ్యాల అక్రమ రవాణాతో ముడిపడి ఉన్న నేరపూరిత హింసకు సుదీర్ఘ చరిత్ర ఉంది. కార్నెరో మరణం ఆగస్టులో అధ్యక్ష అభ్యర్థి ఫెర్నాండో విలావిసెన్సియో హత్య జరిగిన కొన్ని నెలల తర్వాత చోటుచేసుకుంది.
కార్నెరో.. మాజీ అధ్యక్షుడు రాఫెల్ కొరియా మద్దతుదారులచే ఏర్పాటు చేయబడిన సిటిజన్ రివల్యూషన్ మూవ్‌మెంట్ పార్టీలో సభ్యురాలు. ఆమె మరణాన్ని 2023 ఎన్నికల్లో మాజీ అభ్యర్థి, అదే పార్టీకి చెందిన లూయిజా గొంజాలెజ్ సోషల్ మీడియా ప్లాట్‌ఫామ్ Xలో నివేదించారు.