బంగాళాఖాతంలో జులై 15 నుంచి 22 వరకు వరుసగా రెండు అల్పపీడనాలు ఏర్పడే అవకాశం ఉందని వాతావరణ నిపుణులు అంచనా వేస్తున్నారు. వీటి ప్రభావంతో రాబోయే 10 రోజులు తెలంగాణ, ఏపీతో పాటు ఒడిశా, కర్ణాటక, మహారాష్ట్ర, గుజరాత్ రాష్ట్రాల్లో భారీ నుంచి అతిభారీ వర్షాలు పడొచ్చని పేర్కొన్నారు. మరోవైపు నిన్న ఏపీలోని కృష్ణా, గుంటూరు, అంబేడ్కర్ కోనసీమ, బాపట్ల, నెల్లూరు జిల్లాల్లో భారీ వర్షాలు కురిశాయి.
తెలంగాణ రాష్ట్రంలో మరో రెండు రోజుల పాటు భారీ వర్షాలు కురిసే అవకాశం ఉందని హైదరాబాద్ లోని వాతావరణ శాఖ తెలిపింది. ఈ రోజు కూడా మధ్యాహ్నం, సాయంత్రం వరకు భారీ వర్షం కురిసే అవకాశం ఉందని తెలిపింది. ఇక జులై 15 నుంచి 22 వరకు బంగాళాఖాతంలో వరుసగా రెండు అల్పపీడనాలు చోటుచేసుకునే అవకాశం ఉందని వాతావరణ శాఖ చెబుతోంది. తద్వారా రెండు తెలుగు రాష్ట్రాల్లో భారీ వర్షాలు కురుస్తాయని అంచనా వేస్తోంది.