SUV Launch Alert : ఎస్యూవీ లవర్స్కి గుడ్న్యూస్.. మార్కెట్లోకి రాబోతున్న 4 కొత్త, పవర్ఫుల్ కార్లు.
SUV Launch Alert : ఎస్యూవీ లవర్స్కి ఇది నిజంగా పండుగ లాంటి వార్తే.. ఈ సంవత్సరం చివరి నెలలో భారతీయ ఎస్యూవీ మార్కెట్ చాలా సందడిగా మారనుంది. మార్కెట్ లీడర్లుగా ఉన్న మారుతి సుజుకి మరియు టాటా మోటార్స్ మిడ్-సైజ్ ఎస్యూవీ విభాగంలో కొత్త మోడల్స్ను ప్రవేశపెట్టడానికి సిద్ధమవుతుండగా, కియా తన అత్యంత విజయవంతమైన మోడల్ను గ్లోబల్ స్థాయిలో ప్రదర్శించనుంది. మొత్తం నాలుగు శక్తివంతమైన కార్లు రాబోతున్నాయి. రాబోయే నెలలో భారతీయ రోడ్లపై సందడి చేయనున్న ఆ నాలుగు కొత్త మరియు శక్తివంతమైన ఎస్యూవీల వివరాలను ఇప్పుడు తెలుసుకుందాం.
1. మారుతి సుజుకి ఈ-విటారా
మారుతి సుజుకి తీసుకొస్తున్న మొదటి ప్యాసింజర్ ఎలక్ట్రిక్ వెహికల్ ఇది. ఈ కారు కొత్త ఎలక్ట్రిక్ వెహికల్ బేస్డ్ హార్ట్టెక్ట్ ఈ స్కేట్బోర్డ్ ప్లాట్ఫామ్పై రూపొందించబడింది. ఒక్కసారి ఛార్జ్ చేస్తే 500 కిలోమీటర్ల కంటే ఎక్కువ రేంజ్ ఇస్తుందని అంచనా. లాంచ్ సమయంలో 49 kWh, 61 kWh అనే రెండు బ్యాటరీ ఆప్షన్లు ఉంటాయి. ఇందులో 12.3 అంగుళాల టచ్స్క్రీన్, పూర్తిగా డిజిటల్ ఇన్స్ట్రుమెంట్ డిస్ప్లే, లెవెల్ 2 ADAS ఫంక్షన్, ఆటో క్లైమేట్ కంట్రోల్, సీట్ వెంటిలేషన్ వంటి అడ్వాన్సుడ్ ఫీచర్లు ఉన్నాయి. మారుతి సుజుకి ఈ-విటారా డిసెంబర్ 2, 2025 న లాంచ్ కానుంది.
2. టాటా హారియర్, సఫారీ పెట్రోల్
టాటా మోటార్స్ చివరకు తన హారియర్, సఫారీ ఎస్యూవీలకు పెట్రోల్ ఇంజిన్ను జోడించడానికి సిద్ధమైంది. ఈ రెండు ఎస్యూవీలలో కొత్తగా 1.5-లీటర్ ఫోర్-సిలిండర్ టర్బోచార్జ్డ్ డైరెక్ట్-ఇంజెక్షన్ ఇంజిన్ ఉంటుంది. ఇది దాదాపు 168 పీఎస్ పవర్, 280 ఎన్ఎమ్ టార్క్ను ఉత్పత్తి చేస్తుంది. హైపెరియన్ పెట్రోల్ ఇంజిన్ 6-స్పీడ్ మాన్యువల్, 6-స్పీడ్ టార్క్ కన్వర్టర్ ఆటోమేటిక్ ట్రాన్స్మిషన్తో రానుంది. ఈ పెట్రోల్ వేరియంట్ల ధరలు డీజిల్ వేరియంట్ల కంటే తక్కువగా ఉండే అవకాశం ఉంది. ఇది హారియర్, సఫారీ ఎస్యూవీలను మరింత ఎక్కువ మంది కొనుగోలుదారులకు అందుబాటులోకి తీసుకురానుంది. టాటా హారియర్, సఫారీ పెట్రోల్ వేరియంట్లు డిసెంబర్ 9, 2025 న అధికారికంగా లాంచ్ కానున్నాయి.
3. నెక్స్ట్-జెన్ కియా సెల్టోస్
భారత మార్కెట్లో కియాకు బలమైన పునాది వేసిన సెల్టోస్, త్వరలో దాని రెండో తరం (నెక్స్ట్-జెన్) మోడల్ను తీసుకురానుంది. సెల్టోస్ 2026 ప్రారంభంలో భారత మార్కెట్లో ప్రవేశించే ముందు, డిసెంబర్ 10, 2025 న కొరియాలో ప్రపంచవ్యాప్తంగా ఆవిష్కరించబడుతుందని (గ్లోబల్ ప్రీమియర్) భావిస్తున్నారు. ఈ ఎస్యూవీ పెద్ద మార్పులతో రానుంది. ఇంటీరియర్లో కొత్త డాష్ ప్యానెల్, సరికొత్త క్యాబిన్ లుక్ ఇవ్వనుంది. ఇందులో ప్రస్తుతం ఉన్న 1.5 లీటర్ నాన్-టర్బో పెట్రోల్, 1.5 లీటర్ టర్బో పెట్రోల్, 1.5 లీటర్ డీజిల్ ఇంజిన్ ఆప్షన్లు మాన్యువల్, ఆటోమేటిక్ ట్రాన్స్మిషన్లతో కొనసాగే అవకాశం ఉంది.