మహారాష్ట్రలోని (Maharashtra) గడ్చిరోలిలో (Gadchiroli) ఘోర ప్రమాదం జరిగింది. ఇక్కడి వైంగంగా నదిలో పడవ బోల్తా పడటంతో ఆరుగురు మహిళలు గల్లంతయ్యారు. ఇద్దరు మహిళల మృతదేహాలు లభ్యమయ్యాయి. మరో 4 మంది మహిళలు కనిపించకుండా పోవడంతో వారి కోసం గాలిస్తున్నారు. పడవ నడుపుతున్న నావికుడు ఈదుకుంటూ బయటకు వచ్చాడు. పోలీసు అధికారులు సంఘటనా స్థలానికి చేరుకున్నారు. గల్లంతైన మహిళల ఆచూకీ కోసం నదిలో సెర్చ్ ఆపరేషన్ నిర్వహిస్తున్నారు. ప్రమాదం తర్వాత ఆ ప్రాంతంలో గందరగోళం నెలకొంది.
మహారాష్ట్రలోని గడ్చిరోలి ప్రాంతంలోని గన్‌పూర్ (Gunpur) గ్రామానికి చెందిన ఆరుగురు మహిళలు అవతలి వైపు పొలాల్లో మిరపకాయలు కోయడానికి పడవలో వైంగంగా నదిని దాటుతున్నారు. ఇంతలో పడవ అకస్మాత్తుగా నదిలో బోల్తా పడింది. పడవ బోల్తా పడడంతో మహిళలంతా నదిలో మునిగి చనిపోయారు. ఘటనా స్థలంలో ఉన్న ప్రజలు మహిళలను రక్షించేందుకు ప్రయత్నించగా నదిలో నీరు ఉధృతంగా ప్రవహించడంతో వారు ప్రవాహంలో కొట్టుకుపోయారు.
ఇద్దరు మహిళల మృతదేహాలు వెలికితీయగా, నలుగురు గల్లంతయ్యారు
మంగళవారం తెల్లవారుజామున ఈ ప్రమాదం జరిగినట్లు తెలుస్తోంది. ప్రమాదంపై పోలీసులకు సమాచారం అందించారు. సమాచారం అందుకున్న పోలీసులు సంఘటనా స్థలానికి చేరుకున్నారు. డైవర్లను కూడా పిలిచి మహిళల కోసం వెతికారు. నదిలో గల్లంతైన ఆరుగురు మహిళల్లో ఇద్దరి మృతదేహాలు లభ్యమైనట్లు పోలీసులు తెలిపారు. అదే సమయంలో, మరో 4 మంది మహిళలు తప్పిపోయారు, వారిని కనుగొనే పని రెస్క్యూ -సెర్చ్ టీమ్ సహాయంతో జరుగుతోంది, కాని వారు ఇంకా కనుగొనబడలేదు. మహిళలు కొట్టుకుపోయి ఉంటారనే భయాందోళనలు వ్యక్తమవుతున్నాయి.
ఏకైక మార్గం పడవ
వైనంగ నదిపై (Wainganga River) వంతెన లేకపోవడంతో రాకపోకలకు తీవ్ర ఇబ్బందులు పడాల్సి వస్తోందని స్థానికులు చెబుతున్నారు. నదికి ఒకవైపు నుంచి మరో వైపుకు వెళ్లాలంటే పడవ ఒక్కటే మార్గమని చెప్పారు. మంగళవారం తెల్లవారుజామున జరిగిన ఈ ప్రమాదంలో ప్రయాణిస్తున్న మహిళలు నదికి అవతలివైపు ఉన్న చంద్రాపూర్‌కు వెళ్తుండగా ప్రమాదం జరిగింది.