ఒత్తిడిని అదుపు చేయకపోతే ఆందోళన, నిద్రలేమి లాంటి సమస్యలు తప్పవు. చేయాల్సిన పనుల్ని ప్రాధాన్యతాక్రమంలో పెట్టుకోలేక కొందరు, చిన్న పనికి కూడా ఎక్కువగా ఆదుర్దాపడేవాళ్లు తేలికగా ఒత్తిడికి లోనవుతూ ఉంటారు. మీరూ ఆ కోవలోకి వస్తే ఇవిగో ఈ కింది చిట్కాలు పాటించి మానసిక సాంత్వనను సొంతం చేసుకోండి.
* 10 – 15 నిమిషాల వ్యవధితో కూడిన పవర్‌ న్యాప్‌ (చిన్న కునుకు) తీయాలి.
* కొత్త అభిరుచిని అలవరుచుకోవాలి. సంగీత వాద్యం లేదా భాష నేర్చుకోవటం లాంటివన్నమాట!
* గ్రీన్‌ టీ తాగినా ఫలితం ఉంటుంది.
* ఇల్లు లేదా ఆఫీసులో మీ డెస్క్‌ సర్దటం లాంటి పనుల వల్ల కూడా ఒత్తిడి తగ్గుతుంది.
* రోజుకి కనీసం 20 నిమిషాలు జాగింగ్‌ చేస్తే ఎండార్ఫిన్ల ఉత్పత్తి పెరిగి ఒత్తిడి తగ్గుతుంది.
* అప్పుడప్పుడూ విహారయాత్రలకు వెళ్తూ ఉండండి.
* పెంపుడు జంతువుల వల్ల ఒత్తిడి మటుమాయమవుతుంది. ఆ ప్రయత్నమూ చేయొచ్చు.
* యోగా, ధ్యానం లాంటి వ్యాయామాలతో మనసు ప్రశాంతంగా మారుతుంది.