KL Rahu : కన్నీళ్లతో కరుణ్.. ఓదార్చిన కెఎల్ రాహుల్.. ఈ ఫొటో ఇప్పటిది కాదా..?

కరుణ్ నాయర్.. ఎట్టకేలకు 8 ఏళ్ల తర్వాత భారత జట్టులోకి తిరిగి వచ్చాడు. ఈ అవకాశంతో అతను ప్లేయింగ్ ఎలెవన్‌లో కూడా చోటు దక్కించుకున్నాడు. కానీ కరుణ్ నాయర్ ఈ అవకాశాలను ఉపయోగించుకోవడంలో పూర్తిగా విఫలమయ్యాడు. ఇంగ్లాండ్ పై ఆడిన 6 ఇన్నింగ్స్ లలో కరుణ్ మొత్తం స్కోరు 131 పరుగులు మాత్రమే. అందుకే అతడిని నాల్గవ టెస్ట్ నుంచి తొలగించారు.

ఇదిలా ఉండగా, జట్టు నుంచి తొలగించిన తర్వాత కరుణ్ నాయర్ ఏడుస్తున్న ఫోటో సోషల్ మీడియాలో వైరల్ అయ్యాయి. ఈ ఫోటోలో కరుణ్ కన్నీళ్లతో కనిపిస్తుండగా.. కెఎల్ రాహుల్ తన ఓదార్చుతున్నాడు. సోషల్ మీడియాలో వైరల్ అవుతున్న ఫోటో మాంచెస్టర్ టెస్ట్ మ్యాచ్ సమయంలో తీయలేదు. లార్డ్స్ టెస్ట్ మ్యాచ్ సమయంలో ఇది కనిపించింది. ఇంగ్లాండ్‌తో జరిగిన మూడో టెస్ట్ మ్యాచ్ రెండో ఇన్నింగ్స్‌లో కరుణ్ కేవలం 14 పరుగులకే ఔటయ్యాడు. తన కెరీర్ కు కీలకమైన ఈ ఇన్నింగ్స్‌లో మంచి ప్రదర్శన ఇవ్వలేకపోయిన తర్వాత అతను ఔట్ కావడం నిరాశపరిచింది.

అందుకే అతను బయటకు వెళ్ళిన తర్వాత లార్డ్స్ బాల్కనీలో ఏడుస్తున్నట్లు కనిపించాడు. కెఎల్ రాహుల్ అతనిని ఓదార్చడం కనిపించింది. అదే ఫోటో ఇప్పుడు నాల్గవ టెస్ట్ మ్యాచ్ సమయంలో జరిగినట్లు సోషల్ మీడియాలో వైరల్ అయ్యింది. మొత్తం మీద ఎనిమిదేళ్ల తర్వాత టీమిండియాలోకి పునరాగమనం చేసిన కరుణ్ నాయర్ ఆశించిన స్థాయిలో రాణించలేదనేది నిజం. అతను ఆడిన 6 ఇన్నింగ్స్‌లలో ఒక్క అర్ధ సెంచరీ కూడా చేయలేదు. అందువల్ల 5వ టెస్ట్ మ్యాచ్‌లో కూడా కరుణ్ నాయర్‌కు అవకాశం లభించడం కష్టమే.

అలాగే, రాబోయే సిరీస్ నుంచి కరుణ్ నాయర్‌ను తప్పించే అవకాశాన్ని తోసిపుచ్చలేము. సర్ఫరాజ్ ఖాన్, తిలక్ వర్మ వంటి కొంతమంది యువ బ్యాట్స్‌మెన్ తమ అవకాశాల కోసం ఎదురు చూస్తున్నందున, ఇంగ్లాండ్‌తో జరిగిన టెస్ట్ సిరీస్ తర్వాత కరుణ్ నాయర్‌ను జట్టు నుంచి తొలగించడంలో ఆశ్చర్యం లేదు.