TG : కాంగ్రెస్‌కు జన్ లోక్ పాల్ షాక్.. ఇప్పటికిప్పుడు ఎన్నికలొస్తే తెలంగాణలో హంగ్
తెలంగాణలో కాంగ్రెస్ ఏడాది పాలన పూర్తి కావడంతో.. ప్రజాపాలనపై జనం స్పందనపై జన్ లోక్ పాల్ సంస్థ సర్వే చేసింది. ఇప్పటికిప్పుడు తెలంగాణలో ఎన్నికలు జరిగితే హంగ్ అసెంబ్లీ ఏర్పడనుందని ఈ సర్వేలే వెల్లడైంది. ఏ పార్టీకి పూర్తి స్థాయిలో మెజార్టీ వచ్చే అవకాశం లేదని ఈ సర్వేలో తేలింది. సర్వే ఫలితాల ప్రకారం కాంగ్రెస్ కు 45 నుంచి 49 సీట్లు, బీజేపీకి 35 నుంచి 40 సీట్లు, బీఆర్ఎస్ కు 22నుంచి 27 సీట్లు, ఎంఐఎంకు 6నుంచి 7 సీట్లు రానున్నాయి. జనలోక్ పాల్ సర్వే ప్రకారం రాష్ట్రంలో కాంగ్రెస్, బీజేపీ మధ్యే హోరా హొరీ జరగనుంది. బీఆర్ఎస్ మాత్రం మూడో స్థానానికి పరిమితమైంది. జన్ లోక్ పాల్ సర్వేపై తెలంగాణలో హాట్ హాట్ చర్చ జరుగుతోంది.