హైదరాబాద్ మేడ్చల్ ఓఅర్అర్ పై రోడ్డు ప్రమాదం జరిగింది. మంగళవారం ఉదయం తెల్లవారుజాము ఓఆర్ఆర్ పై సుతారి గూడ గ్రామం వద్ద పటాన్ చెరువు నుండి మేడ్చల్ వైపు వస్తుండగా ఆగి ఉన్న కంటైనర్ ను డీసీఎం వ్యాన్ ఢీ కొట్టింది.
దీంతో డీసీఎం వాహనాన్ని దిగి డ్రైవర్ తనిఖీ చేస్తుండగా వెనుక నుండి వచ్చిన మరో కంటైనర్.. డీసీఎం డ్రైవర్ ను ఢీ కొట్టింది. దీంతో డీసీఎం డ్రైవర్ మృతి చెందాడు. మేడ్చల్ మండలంలోని సుతారిగూడ గ్రామానికి చెందిన డీసీఎం డ్రైవర్ ను రవికుమార్ గా పోలీసులు గుర్తించారు. సంఘటనా స్థలానికి చేరుకున్న పోలీసులు మృతదేహాన్ని పోస్టుమార్టం నిమిత్తం గాంధీ హాస్పిటల్ తరలించారు. కేసు నమోదు చేసుకొని మేడ్చల్ పోలీసులు దర్యాప్తు చేస్తున్నారు